Президент ардагерлер кеңесі төрағасының орынбасарымен ұрпақ тәрбиесіне қатысты мәселелерді талқылады
Өмірзақ Озғанбаев мемлекет басшысына ауылдық жерлерді дамытуға қатысты пікірін айтты
![](https://halyq-uni.kz/cache/imagine/1200/uploads/news/2024/06/21/667536bac6adb270238575.jpg)
Мемлекет басшысы республикалық «Ардагерлер ұйымы» қоғамдық бірлестігі орталық кеңесі төрағасының орынбасары Өмірзақ Озғанбаевты қабылдады, деп хабарлады Halyq Uni тілшісі.
Кездесу барысында еліміздің дамуына және өскелең ұрпақ тәрбиесіне қатысты мәселелер талқыланды.
Мемлекет басшысы аға буынды Атырауда өткен Ұлттық құрылтайда, Қазақстан халқы Ассамблеясының ХХХІІІ сессиясында айтылған міндеттерді іске асыруға, атап айтқанда жастарды нашақорлық, лудомания секілді әлеуметтік кеселдерден сақтандыру, отбасы институтын дәріптеу ісіне белсенді атсалысуға шақырды.
Өмірзақ Озғанбаев президентке ауылдық жерлерді дамытуға қатысты пікірін айтты. Сондай-ақ «Ардагерлер ұйымының» бастамасы бойынша атқарылып жатқан жұмыстар мен алдағы жоспары жөнінде баяндады.