«Таңбалы» қорық-музейінде сирек кездесетін тиын табылды
Бұл монета VII ғасырдың ортасынан бастап қолданылған
![](https://halyq-uni.kz/cache/imagine/1200/uploads/news/2024/06/20/6673adefa43f4702371160.jpeg)
«Таңбалы» ғылыми қызметкерлері халықаралық тарихи-археологиялық экспедициясы Қоғалы алқабында қазба жұмыстары кезінде сенсациялық жаңалық ашты. Елімізде алғаш рет өте сирек кездесетін тиын табылды, деп хабарлады Мәдениет және ақпарат министрлігі.
Түркі-соғды ерте ортағасырлық нумизматика саласын зерттеумен айналысатын мамандардың пікірінше, бұл монета VII ғасырдың ортасынан бастап қолданылған. Экспедиция зерттеу жүргізген Коғалы алқабының ескерткіштері VII-VIII ғасырлардың алғашқы жартысында Жетісу жерін мекендеген батыс түріктердің мәдениетіне жатады.
Қазір «Таңбалы» ғылыми-реставрациялық зертханасында бірегей артефактқа қатысты алғашқы консервациялық жұмыстар жүргізіліп жатыр.
Археологиялық қазба жұмыстары әлі де жалғасады.