Бір құшақ гүл сатып алған қарағандылық жігіт тергеуге ілікті

Халық үні

Полиция қызметкерлері күдіктіні ұстады

Фото: Unplash

Қарағандыда криминалдық полиция қызметкерлері тауар мен қызмет ақысын жасанды купюрамен төлеген 23 жастағы жігітті ұстады, деп хабарлады Polisia.kz. 

Полиция мәліметінше, жігіт әуелі 24 сағат жұмыс істейтін гүл дүкенінен сүйіктісіне гүл шоғын сатып алған. Сатушы 20 000 теңгелік жалған ақшаны бірден танымаған.

Артынша жігіт жақын маңдағы асханаға барып, таңғы ас ішкеннен кейін номиналы 20 мың теңгелік жасанды банкнотпен есепшотты төлеп, шынайы ақшаға ауыстырып алған.

Полиция қызметкерлері күдіктіні ұстады. Оның үстінен қылмыстық іс қозғалды. Қазір тергеу амалдары жүргізіліп жатыр.