Бейбіт Жұқаев «Челленджер» турнирінің негізгі кезеңіне шықты
Теннисші финалда бельгиялық Йорис Де Лоренді жеңді
![](https://halyq-uni.kz/cache/imagine/1200/uploads/news/2024/06/18/6671602753355970198451.jpeg)
Бейбіт Жұқаев теннистен Ұлыбританияның Илкли қаласында өтіп жатқан «Челленджер» сериясындағы турнирдің іріктеу жарысында жақсы ойнап, негізгі кезеңге шықты.
Ол әуелі әлемнің 177-ракеткасы, португалиялық Жайме Фариямен екі сағатқа жуық уақытқа созылған тартысты матчта қарсыласын 6:3, 6:7 (5:7), 6:1) есебімен жеңді.
Бейбіт Жұқаев іріктеу сайыстарының финалында әлемнің 190-ракеткасы, бельгиялық Йорис Де Лоренмен ойында да 6:3, 6:1 есебімен жеңіске жетті.
Осылайша, Бейбіт Жұқаев жүлде қоры 148 625 еуроға бағаланған негізгі жарысқа жолдама алды.