Еліміздегі 12 мыңға жуық шаруаға 2 млрд текше метр су берілді
Суармалы алқаптың негізгі бөлігі оңтүстік өңірлерге тиесілі
![](https://halyq-uni.kz/cache/imagine/1200/uploads/news/2024/06/17/667017de839b1107272644.jpeg)
«Қазсушар» мекемесі биыл 790 мың гектардан астам ауылшаруашылық алқабын суаруға 12 млрд текше метр су жіберуді жоспарлап отыр. Оның 7 млрд текше метрі оңтүстік өңірдің егістіктеріне жұмсалады.
Кәсіпорын филиалдары биыл диқандармен су беру бойынша 18 758 келісімшарт жасады. Бұл – өткен жылмен салыстырғанда, 32% артық.
Суару маусымына дайындық аясында 83 гидробекет жөнделіп, қалпына келтірілді. Сонымен қатар 775 гидробекет аттестациядан өтті. Қазір вегетация кезеңі штаттық кестеге сай өтіп жатыр.
Кәсіпорын филиалдары арнайы су пайдалануға рұқсат алды. Су қоймаларының жұмыс кестесі бекітілді. Суару желілеріне вегетацияға дайындық аясында жөндеу-қалпына келтіру жұмыстары жүргізілді.
Еліміздегі суармалы алқаптың негізгі бөлігі оңтүстік өңірлерге тиесілі. Бұл – кәсіпорын арналары арқылы суарылатын егіс алқаптарының шамамен 97%-ы», - деді Су ресурстары және ирригация министрлігінің ресми өкілі Мөлдір Әбдуалиева.