Абай облысында ірі бұршақ үйлердің шатырын тесіп өткен (ВИДЕО)
Жұрт оның көлемін жаңғақтай деп таңғалған
![](https://halyq-uni.kz/cache/imagine/1200/uploads/news/2024/06/12/6669868541e36648713135.jpg)
Абай облысының Абай ауданында кенет күн бұзылып, жаңғақтың көлеміндей бұршақ жауды. Жергілікті тұрғындар бұршақ пен жаңбырды фото-видеоға түсіріп, желіде таратты, деп хабарлады nur.kz.
Жұрт бұршақтың көлемін жаңғақтай деп таңғалған. Тіпті үйлердің шатыр жабындысын да тесіп өткен. Ал құтқарушалыр аудан тұрғындарынан арыз-шағым болмағанын мәлім етті.
Абай ауданында Құндызды және Көкбай ауылдық округтерінің аумағында ашық жерлерде бұршақ жауды. Бұршақ диаметрі 40 мм-ге дейін болды. Халықтың тыныс-тіршілігі мен шаруашылық объектілерінің жұмыс істеу жағдайлары бұзылмады. Зардап шеккендер тіркелгендер жоқ, - деді Абай облысы ТЖД азаматтық қорғау аға лейтенанты Бауыржан Болатбекұлы.