ШҚО-да прокуратура ірі инвестициялық жобаны іске асыруға көмектесті
Бүгін кәсіпкер құжат дайындауға кірісті
![](https://halyq-uni.kz/cache/imagine/1200/uploads/news/2024/06/10/66bf66b738640280107394.jpg)
Шығыс Қазақстан облысында прокурорлар инвесторларға ірі жобаны іске асыруға көмектесті, деп хабарлады облыстық прокуратура.
Инвестициялық жобаларды қолдау аясында Самар ауданының прокуратурасы ALMAS UK ЖШС-не жер телімдерінің мемлекеттік бағасын алуға көмек көрсетті. Осылайша, инвестор Самар ауданында «Отандық және шетелдік туристерге қызмет көрсететін сауықтыру кешенін салу және дамыту» жобасын іске асыруды жоспарлап отыр, - деп жазылған хабарламада.
Жоба 500 млн теңгеден аса инвестицияны қарастырады. Бұл оны Ұлттық пулға автоматты түрде қосуға және Kazakh Invest ҰҚ АҚ-ына қолдау көрсетуге мүмкіндік береді.
Инвестициялық преференцияларды одан әрі алу үшін инвесторға сұралған жер телімдерін бағалау қажет болған.
2023 жылы аудан әкімдігі кәсіпкерге ЖШС-не жер телімдерін беруге алдын ала келісім берген. Алайда әкімдікке бірнеше рет жүгінгенмен мәселе шешімін таппады. Самар ауданының прокуратурасы аудан әкімдігіне қадағалау актісін енгізгеннен кейін ғана қаражат бөлініп, мемлекеттік сатып алу рәсімі арқылы жер телімдері бағаланды.
Қазір инвестор инвестициялық жобаны іске асыруды бастау үшін құжат дайындауға кірісті.