Қуандық Бишімбаевтың әкесі интернетте ұлы екеуі туралы жалған ақпарат тарауына байланысты полицияға арыз берді. Бұл туралы елордалық ПД-ға сілтеме жасаған nur.kz хабарлайды.

«29 мамырда Бишімбаев Уәлихан Қозыкейұлы Астана қаласы ПД Сарыарқа аудандық полиция басқармасына ұлы Бишімбаев Қуандық Уәлиханұлы және өзі туралы әлеуметтік желілерде, БАҚ-та жалған ақпарат тарату фактісі бойынша арызданды»", - деп жауап берді Астана қаласының полиция өкілдері ресми сауалға.

 Аталған факт бойынша арызды Сарыарқа ауданы ПБ ҚР Қылмыстық кодексінің 274-бабының 2-бөлігінің 3-тармағымен тіркеді.

Қазіргі уақытта бұл іске қатысты тергеу амалдары жүргізілуде.