Сайлау учаскелерінде халықтың белсенділігі жоғары
Әртүрлі деңгейдегі комиссияның барлық мүшелері Қазақстандағы референдумды өткізуге аса жауапкершілікпен дайындалған. Бұл туралы брифингте Ресей Орталық сайлау комиссиясының өкілі Эльмира Хаймурзина мәлімдеді.
«Мен үшін бұл зор мәртебе әрі жауапкершілік. Мен осында туып-өстім, Солтүстік Қазақстан облысында өстім, кейін Ресейге кеттім. Бізде өте белсенді күн болды. Олар барлығы 30-дан астам сайлау учаскесін араладық. Алған әсерлерім туралы айтатын болсақ, әртүрлі деңгейдегі комиссия мүшелерінің барлығы дайындыққа өте жауапкершілікпен қарағаны анық. Өте кәсіби және аса жауаптылық танытып жатыр. Әрқайсысында 4000-4500 сайлаушы бар сайлау учаскелері бар, дегенмен халыққа база бойынша сайлау учаскелерін белгілеуге көмектесіп жатыр әрі мұның бәрі швейцариялық сағат сияқты жұмыс істеп тұр», - деді Ресей Федерациясы ОСК өкілі Эльмира Хаймурзина.
Оның айтуынша, сайлау учаскелерінде халықтың белсенділігі жоғары, көтеріңкі көңіл-күй орнап, халық ел болашағы үшін өте маңызды іргетастардың қаланып жатқанын жақсы түсінеді.
Ол мұндай белсенділік таңертеңнен басталғанын, сайлау учаскелеріне ата-әжелер кішкентай немерелерін ертіп келгенін айтты.
«Балалар өскенде мына суреттерді көрсетеді деп ойлаймын. Мен QR кодтары бар плакаттарды көрдім, бұл – сайлаушы сайлау учаскесін көріп, навигацияны білуге арналған құрал», - деді Эльмира Хаймурзина.