Әлеуметтік желіде бюллетеньдерді қоқысқа салып жатқаны түсірілген видео таралуда. Бірақ бұл ақпарат елімізде өтіп жатқан референдумға қатысы жоқ. 

Stopfake.kz сайтының жазуынша, бұл кадрлар бүгін, 5 маусымда республикалық референдум кезінде түсірілген деген болжам бар. Алайда бұл жалған ақпарат. Шындығында бұл видео 2009 жылы Қырғызстанда президент сайлауы кезінде түсірілген. 

Видеоны интернеттен табуға болады. Желі қолданушылары жазғандай, заң бұзушылық Бақай-Ата ауданындағы №6071 сайлау учаскесінде болған. Оның бүгінде Қазақстанда өтіп жатқан референдумға еш қатысы жоқ.