Қарағандыда қайғылы жағдай болды
ТЖД қызметкерлері өртенген үйден газ баллонын алып шықты
![](https://halyq-uni.kz/cache/imagine/1200/uploads/news/2024/06/06/6661ceb38c692377487765.jpeg)
Қарағандыда жер үйден өрт шығып, үйдің 63 жастағы иесі мерт болды, деп хабарлады Қарағанды облысы Төтенше жағдайлар департаментінің баспасөз қызметі.
Қайғылы жағдай бүгін, 6 маусым күні Қарағандыдағы Столичная көшесінде болды. Өрт кезінде 4 бөлмелі үйдегі заттар, жиһаздар, терезелер мен есіктердің жақтаулары жанған. Жалын шарпыған аумақ 16 шаршы метрді құрап отыр.
«№7 өрт сөндіру бөлімінің қарауыл бастығы жүрекке массаж жасап, 1961 жылғы үй есінің есін жидырып алған. Ол Қарағандының №1 қалалық ауруханасына жеткізілді. Өкінішке қарай, ер адам көз жұмды», - деп хабарлады Қарағанды облысы Төтенше жағдайлар департаментінің баспасөз қызметі.
ТЖД қызметкерлері өртенген үйден газ баллонын алып шықты. Өрттің шығу себебі анықталып жатыр. Өртті сөндіруге жеке құрамнан 8 адам және 2 техника жұмылдырылды.