Министрдің бұрынғы орынбасары жаңа қызметке тағайындалды
Ол ұзақ жылдар бойы басшылық қызметтер атқарған
![](https://halyq-uni.kz/cache/imagine/1200/uploads/news/2024/06/04/665eb5fb6e73b214963772.jpg)
Бұрынғы Ұлттық экономика бірінші вице-министрі Тимур Жақсылықов жаңа қызметке тағайындалды, деп хабарлады Ақорда.
Мемлекет басшысының Жарлығымен Тимур Мекешұлы Жақсылықов Қазақстанның Беларусь Республикасындағы төтенше және өкілетті елшісі, ТМД Жарғылық органдарының жанындағы тұрақты өкіл қызметін қоса атқарушы болып тағайындалды, - деп жазылған хабарламада.
Айта кетейік, Тимур Жақсылықов 1968 жылы Шығыс Қазақстан облысында дүниеге келген. Михаил Ломоносов атындағы Мәскеу мемлекеттік университетін тарихшы мамандағы бойынша, Саяси зерттеулер институтын саяси ғылымдар және мемлекеттік басқару магистрі, Қазақ экономика және қаржы институтын экономист мамандығы бойынша тәмамдаған.
Еңбек жолын 1985 жылы Шығыс Қазақстан геологиялық басқармасының 2-разрядты жұмысшысы болып бастаған.
- 1993-1997 жылдары – Қазақстан агротехнологиялық университетінің атқарушы ректоры.
- 1997-1998 жылдары – Стратегиялық жоспарлау және реформалар жөніндегі агенттіктің бас маманы, бөлім басшысы.
- 1998-2003 жылдары Президент Әкімшілігінің құрылымында жұмыс істеді.
- 2003-2004 жылдары – Индустрия және сауда министрлігі ДСҰ-ға кіру жөніндегі департаментінің директоры.
- 2004-2005 жылдары – Индустрия және сауда министрлігі Женева қаласындағы тұрақты өкілдігінде бөлім басшысы – ДСҰ мәселелері жөніндегі министрлік өкілдері тобының жетекшісі.
- 2005 жылғы шілде-қараша аралығында – Сыртқы істер министрлігі Швейцария конфедерациясындағы тұрақты өкілдігінің бірінші хатшысы.
- 2005 жылғы қараша – 2006 жылғы ақпан аралығында «Маркетингтік-талдамалық зерттеулер орталығы» АҚ басқарушы директоры қызметін атқарды.
- 2006 жылғы ақпан-қазан – Экономика және бюджеттік жоспарлау министрлігі «Экономикалық зерттеулер институты» РМК бас директорының міндетін атқарушы;
- 2006 жылғы қазан – 2007 жылғы қыркүйек аралығында «Астананы тұрақты дамыту орталығы» ЖШС директоры қызметін атқарды.
- 2007 жылғы қыркүйек – 2008 жылғы сәуір аралығында – Астана қаласы Экономика және бюджеттік жоспарлау департаменті директорының міндетін атқарушы, директоры.
- 2008-2009 жылдары – Астана қаласы әкімінің орынбасары.
- 2009-2010 жылдары – Индустрия және сауда вице-министрі.
- 2010 жылғы сәуір-тамыз аралығында – Индустрия және жаңа технологиялар министрлігінің комитет төрағасы.
- 2010-2012 жылдары – «Қазақстанның инвестициялық қоры» АҚ басқарма төрағасы.
- 2012-2013 жылдары – Экономикалық даму және сауда вице-министрі.
- 2013-2014 жылдары – Экономика және бюджеттік жоспарлау вице-министрі.
- 2014-2017 жылдары – Ұлттық экономика вице-министрі.
- 2017-2018 жылдары – Экономика және қаржы саясаты министрі, Еуразиялық экономикалық комиссия, Мәскеу қаласы.
- 2018 жылғы қыркүйектен қарашаға дейін – Президенттің көмекшісі.
- 2019 жылғы желтоқсаннан 2021 жылғы ақпанға дейін – РФ Мәскеу қаласы Еуразиялық экономикалық комиссиясы Экономика және қаржы саясаты жөніндегі министр.
- 2021 жылғы ақпаннан осы уақытқа дейін Ұлттық экономика бірінші вице-министрі болып тағайындалды.