Танымал тележүргізуші Ләйлә Сұлтанқызы желдіе марқұм күйеуін еске алып, тағы бір жазба жариялады.

Айтуынша, жолдасы жергілікті халыққа балабақша салып берген.

«Кеше осы видеоны Қызылкөлдің келіні @aigerima_kuku жіберді. @qazaqgazetteri -де жұмыс істейді екен. Соңына дейін көріңізші, бұл біздің отбасымыз үшін өте бір ыстық, құнды тарих.
Осы балабақша салынып жатқанда Сардарыма аяғым ауыр еді.

Салынып біткенде жергілікті халық атын «Қайрат» деп қоямыз дегенде Қайрекең қатты қарсы болған. Ауыл ақсақалдары балабақша біздікі, бізге салдың, біз өзіміз шешеміз деген соң, амал жоқ, келісті. Үлкенді сыйлаған, үлкеннің сөзінен озбаған халықпыз ғой. Осы мекемені жылдар бойы ескіртпей, күтіп отырған меңгерушісі Нұржамал апай мен ұжымға алғысым шексіз!

Қазір ұлдар әкесінің әр еңбегі мен жақсылықтарынан хабардар. Ауылға да барып тұрамыз, басымыз қосылса болды, естеліктерді айтып, сырласамыз. Ендігі арманым, Сағадат пен Сардар әкесінің ізін жалғап, салиқалы азамат болып өссе деймін», - деп жазды ол.