Абай облысында ормандағы ағашты заңсыз кескен күдіктілер анықталды, деп хабарлады Halyq Uni тілшісі.

Бесқарағай ауданының табиғатты қорғау полициясының қызметкерлері «Семей орманы» инспекторларымен бірігіп, рейд жасағанда ұзындығы 6 метр, әртүрлі диаметрлі жаңа кесілген қарағай бөренелерімен тиелген тіркемесі бар МТ3 тракторын тоқтатты. Тексеру кезінде жүргізуші жалған құжаттарды ұсынды.

Ағаштарды заңсыз кескен ауданның тағы 4 азаматы анықталды. Келтірілген залал сомасы 530 мың теңгеден асты.

Аталған дерек Қазақстан Республикасы ҚК-нің екі бабы бойынша, орман қорына кіретін ағаштар мен бұталарды заңсыз кесіп, көрінеу жалған құжатты пайдаланғаны үшін сотқа дейінгі тергеу басталды, – делінген полиция хабарламасында.