Жезқазғанда бес жасар бала бес адамды көлікпен қағып кетті, деп хабарлады КТК телеарнасы.

Балақай ойнап отырып көліктің қол тежегішін жібере салған. Жүріп кеткен машина жол жиегіндегі адамдарды соққан.

Оқыс оқиға қаладағы мейрамханалардың бірінің алдында болды. Жүргізуші ғимаратқа кіріп кеткен кезде көлікте отырған балақай тежегішті босатып жіберген. Осы кезде орнынан қозғалып кеткен көлік, бір топ адамды басып кетті. Зәресі ұшқан балақай салоннан шығып тұра қашқан. Сәлден кейін көліктен әйел адам да шығады.

Ал ауруханаға жеткізілген науқастардың бірінің қабырғасы сынған екен. Қалғандарын дәрігерлер тексеріп, үйіне қайтарды. Тежегішке жармасқан бес жасар бала да басын оңбай ұрып алған.