Ішкі істер министрлігі түлектер мен ата-аналарға үндеу жасады, деп хабарлады Halyq Uni тілшісі.

Бұрын хабарланғандай, соңғы қоңырау кезінде қоғамдық тәртіпті қамтамасыз ету үшін әр мектепке жауапты полиция қызметкерлері бекітілді. Барлығы 10 мыңға жуық полицей және 2,5 мың қызметтік көлік жұмылдырылды. Ескертулерге қарамастан, бірқатар өңірде мектеп түлектерінің қатысуымен құқықбұзушылықтар тіркелді. Мысалы, Маңғыстау облысы Бейнеу ауданы Боранқұл ауылында түлектер арасында топтық жанжал болды. Полиция дереу бұл фактінің жолын кесті. Сондай-ақ бұзақылық фактісі бойынша қылмыстық іс қозғалды. Зардап шеккендер жоқ, – деді департамент бастығы, ІІМ ресми өкілі Шыңғыс Алекешев.

Бұдан басқа, Алматы және Шымкент қалаларында, Алматы және Түркістан облыстарында автокөлік кортеждерінің жол жүрісі қағидаларын бұзу фактілері анықталған. Кінәлі жүргізушілер мен жолаушылардың бәрі әкімшілік жауапкершілікке тартылған. Сондай-ақ ІІМ ата-аналар мен түлектерді мінез-құлықтың қажетті нормалары мен ережелерін сақтауға шақырды.

Оқу-ағарту министрлігінің хабарлауынша, биыл шамамен 3,9 млн оқушы оқу жылын бітірсе, оның ішінде 186 мың түлек мектеппен қоштасты. 11-сынып үшін қорытынды емтихандар 28 мамыр-11 маусым аралығына жоспарланған