Ақтөбе облысында табиғат қорғау прокуратурасы шараларымен анықталған заңбұзушылықтар бойынша ветеринариялық зертхананың қызметі тоқтатылды, деп хабарлады Halyq Uni тілшісі.

Тексеру барысында ветеринариялық-санитариялық ережелер талаптарының көптеген бұзушылықтары, үй-жайларды желдету, сумен жабдықтау, жылу жүйелері, сараптаманың әртүрлі түрлерін жүргізуге арналған жеке үй-жайлардың, сойылған жануарларды қарап-тексеру және ветеринариялық сараптаманы есепке алу журналдарының жоқтығы анықталды, – делінген прокуратура хабарламасында.

Кейбір зертханаларда етті тексеруге арналған құрал-жабдықтар мен химиялық реагенттер болмаған.

Сонымен қатар, Ақтөбеде рұқсатсыз жұмыс істеген ветеринарлық зертхана анықталды.

Прокурорлық қадағалау шараларының нәтижесінде 1 зертхананың қызметі тоқтатылып, 4 зертханаға 370 мың теңге айыппұл салынды.