Қызылордада Асқар Забикулин атындағы кадет сыныбы ашылды
Сынып кабинеті арнайы стендтермен және өрт сөндіру-құтқару құралдармен жабдықталған
![](https://halyq-uni.kz/cache/imagine/1200/uploads/news/2024/05/22/664dea15b1a9f218792665.jpeg)
Қызылорда облысының білім басқармасының келісімі бойынша Қызылорда қаласының Төтенше жағдайлар басқармасының қызметкерлері білім бөліміне қарасты №101 мектептің оқу ғимаратында Асқар Забикулин атындағы кадет сыныбын ашты, деп хабарлады Төтенше жағдайлар министрлігі.
Кадет сыныбының оқушыларына құтқарушылардың үлгісі бойынша арнайы нысанды киім және әскери парадқа киетін нысанды киім әзірленіп, тігілді. Сынып кабинеті арнайы стендтермен, өрт сөндіру-құтқару құрал-жабдықтарымен қамтамасыз етілді.
Асқар Забикулин атындағы кадет сыныбын ашудың мақсаты – табиғи және техногендік сипаттағы түрлі төтенше жағдайлар кезінде жедел әрі дұрыс шешім қабылдау білімін, дағдыларын дамыту, өрт қауіпсіздігі саласындағы алдын алу, зардап шеккендерге алғашқы медициналық көмек көрсетуді үйрету, жас ұрпақты патриоттық тәрбиелеу.