Алматы облысы әкімдігінің баспасөз қызметі мәлімдеме жасады
Алматы облысы Байсерке ауылының тұрғындары наразылыққа шығып, облыстық маңызы бар «Алматы - Жетіген - Қапшағай су қоймасы» автомобиль жолын жауып тастады, деп хабарлады Kazinform.
Байсерке ауылдық округінің тұрғындары 11 мамыр күні жол-көлік оқиғасы болған жол аумағында бағдаршам орнатып, жарық беруді талап етіп отыр.
Тұрғындардың сөзінше, олар аталған учаскеде үнемі жол қауіпсіздігіне қатысты күрделі мәселелерге тап болады.
Аталған жағдайға байланысты Алматы облысы әкімдігінің баспасөз қызметі мәлімдеме жасады.
Осы жылдың 21 мамырында Іле ауданы Байсерке ауылының тұрғындары 3-5 км учаскесінде облыстық маңызы бар «Алматы - Жетіген - Қапшағай су қоймасы» жолын жапты. Оларды талабы - бағдаршам орнату және қажетті жол инфрақұрылымын қамтамасыз ету. Қазіргі уақытта облыстың уәкілетті органдары қажетті шараларды қабылдап жатыр, - деп хабарлады Алматы облысының әкімдігінен.