Су тасқынынан зардап шеккен өңірлердегі 3,5 мыңнан астам оқушы аралық және қорытынды емтихан тапсырмайды, деп хабарлады Halyq Uni тілшісі.

Оқу-ағарту министрі Ғани Бейсембаевтың айтуынша, олардың қатарында Атырау, Ақтөбе және Солтүстік Қазақстан облыстарының білім алушылары бар. Олардың қорытынды бағасы жылдық бағалары негізінде шығарылады.

Айта кету керек, 9-шы және 11-сыныптарды бітірушілер үшін қорытынды емтихандар 29 мамыр мен 11 маусым аралығында өтеді.

Алғаш рет 5-8, 10 сынып оқушылары үшін қазақ тілін меңгеру деңгейін бағалау мақсатында қазақ тілінен аралық емтихандар өтеді.

2023-2024 оқу жылының аяқталуында «Білімім - Отаныма» бірыңғай сынып сағаты өтеді. 25 мамырда «Мектебім, саған мың алғыс!» тақырыбында мектеп бітірушілерге арналған іс-шара өтеді.

Аттестаттар тапсыру салтанаты 12-15 маусым аралығына белгіленді.