Оқиға осы жылдың қаңтар айында болғанымен, ол туралы енді ғана белгілі болды
Қарағандыда ер адам қамқорлығындағы 9 жасар жиеніне сыра бергеннен кейін ол төртінші қабаттың терезесінен құлап кетті. Бұл туралы облыстық соттың баспасөз қызметі хабарлады.
Оқиға осы жылдың қаңтар айында болғанымен, ол туралы енді ғана белгілі болды.
Соттың мәліметінше, ол кезде бала нағашысының қамқорлығында болатын, ал оның анасы мас күйінде көлік жүргізгені үшін қамауда болған. Оның айтуынша, досымен ішімдік ішіп отырғанда баланың өзі оған сыра ішуге рұқсат беруді өтінген.
«Жатқаннан кейін ас үйден дыбыс естіген З., ас үйге кіріп, ашық тұрған терезені, терезеден жиенінің 4-ші қабаттан құлап кеткенін көреді. Сонымен бірге, сотта З., егер бала үйілген қарға құламағанда, мұндай құлаудың салдары кәмелетке толмаған бала үшін қиын болуы мүмкін екенін түсіндірді. Жедел жәрдем келген соң бала ауруханаға жатқызылды.
Құқық бұзушы З.-ның Қазақстан Республикасының «Әкімшілік құқық бұзушылық туралы» Кодексінің 131-бабында көзделген құқық бұзушылықты жасағаны үшін кінәсі сотта дәлелденіп, 09.01.2024 жылғы Қарағанды облысының денсаулық сақтау Басқармасының «Облыстық балалар клиникалық ауруханасы» МҚК-ның жазбаша жауабымен, куәлардан жауап алу хаттамаларымен расталды және 2024 жылғы 5 қаңтардағы №11018 медициналық қорытындысымен П.-да алкогольдік масаңдықтың орташа дәрежесін анықтаған», - делінген облыстық соттың хабарламасында.
Қазір бала ауруханадан шығарылды. Ал қамқоршысы өз кінәсін мойындап, жасаған қылмысына өкінді.
Прокурор құқық бұзушыға қамауға алу түріндегі әкімшілік жаза қолдану туралы қорытынды шығарды.
«Құқық бұзушы З., Қазақстан Республикасының «Әкімшілік құқық бұзушылық туралы» Кодексінің 131-бабында көзделген әкімшілік құқық бұзушылықты жасағаны үшін кінәлі деп танылып, оған 3 (үш) тәулік мерзімге әкімшілік қамаққа алу түріндегі жаза қолданылды», - делінген сот ақпаратында.