17 мамырға ауа райы болжамы жарияланды
Түнде Ақмола, Солтүстік Қазақстан Павлодар облыстарының солтүстік-шығысында, Павлодар, Абай облыстарының солтүстігінде, Шығыс Қазақстан облысының шығысында топырақ бетінде 1 градус үсік күтіледі
![](https://halyq-uni.kz/cache/imagine/1200/uploads/news/2024/05/17/6646ce5dde011657264674.jpg)
«Қазгидромет» РМК Қазақстан аймақтарында 2024 жылғы 17 мамырда болатын қауіпті метеорологиялық құбылыстарға болжау консультациясын жариялады.
Оңтүстік циклоны және олармен байланысқан атмосфералық фронталды бөліктер Қазақстанның территориясының басым бөлігіне өз әсерін сақтайды: найзағаймен жаңбыр, оңтүстік-шығыста, оңтүстік-батыста қатты жаңбыр жауып, бұршақ, дауыл болжанады. Республика бойынша желдің күшеюі, түнгі және таңертеңгі сағаттарда елдің солтүстігінде, шығысы мен орталығында тұман күтіледі.
Түнде Ақмола, Солтүстік Қазақстан Павлодар облыстарының солтүстік-шығысында, Павлодар, Абай облыстарының солтүстігінде, Шығыс Қазақстан облысының шығысында топырақ бетінде 1 градус үсік күтіледі.
Қарағанды облысының оңтүстігінде, Ұлытау облысының орталығында, Абай, Қостанай облыстарының оңтүстігінде, Атырау облысының оңтүстік-шығысында, Шығыс Қазақстан облысының оңтүстік-шығысында, Қызылорда облысының солтүстігінде, шығысында, орталығында, Батыс Қазақстан облысының оңтүстік-батысында, Жетісу облысының шығысында жоғары өрт қаупі сақталады.
Түркістан облысының шөлді аудандарында, Абай облысының Үржар ауданында төтенше өрт қаупі сақталады.