Тоқаев Словакия премьер-министріне жасалған қастандыққа қатысты пікір білдірді
Бұл террорлық әрекетті қатаң айыптайтынын және мұндай қараулықты мүлде ақтауға болмайтынын мәлімдеді
![](https://halyq-uni.kz/cache/imagine/1200/uploads/news/2024/05/16/6645755387545405001500.jpg)
Президент Қасым-Жомарт Тоқаев Словакия премьер-министріне жасалған қастандыққа қатысты пікір білдірді, деп хабарлады Ақорда.
Мемлекет басшысы Словакия премьер-министрі Роберт Фицоға қастандық жасалуына байланысты бұл террорлық әрекетті қатаң айыптайтынын және мұндай қараулықты мүлде ақтауға болмайтынын мәлімдеді.
Қазақстан мен Словакияны ұзақ жылғы достық пен өзара тиімді ынтымақтастық қарым-қатынастар байланыстырады. Бұл игілікті істе премьер-министр Роберт Фицо елеулі рөл атқарды. Мемлекет басшысы Қасым-Жомарт Тоқаев оның тезірек сауығып кетуіне тілектестік білдірді.