Алматы-Нөкіс әуе бағыты ашылды, деп хабарлады Halyq Uni тілшісі.

Азаматтық авиация баспасөз қызметінің мәліметінше, Өзбекстанмен жаңа әуе бағыты ашылды. Бұл ретте халықаралық рейстердің жалпы саны 121 әуе бағыты бойынша аптасына 567-ге жетті.

Uzbekistan Airways әуе компаниясы биыл 1 маусымнан бастап жаңа Алматы-Нөкіс әуе бағыты бойынша тұрақты рейстерді орындай бастайды. Рейстер аптасына екі рет (сәрсенбі және сенбі күндері) 174 орындық «Эйрбас-А320» ұшағында орындалады.

Жаңа әуе жолының ашылуы екі ел арасындағы сауда-экономикалық, іскерлік, туризм саласындағы ынтымақтастықты одан әрі дамытуға ықпал етеді.