Шымкентте ірі цех өртенді
Өрттің себебі анықталып жатыр
![](https://halyq-uni.kz/cache/imagine/1200/uploads/news/2024/05/13/664192d4131d9392540112.jpg)
Шымкент қаласы Еңбекші ауданының Азат шағынауданында нан-тоқаш өнімдерін өндіретін бір қабатты цехта шатыр мен жабдықтар өртенді, деп хабарлады Halyq Uni тілшісі.
ТЖД мәліметінше, өрт сөндірушілер 1 248 шаршы метр аудандағы отты сөндірген. Олар 2 500 шаршы метр ғимараттың толық жанып кетуіне жол бермеді.
Жалын толығымен өшті. Қайтыс болғандар мен зардап шеккендер жоқ. Өрттің шығу себебі анықталып жатыр.