Үлкен Алматы айналма автожолына уақытша шектеу енгізіледі
Бұл жүргізушілердің қауіпсіздігі үшін маңызды
Фото: Көлік министрлігі
Үлкен Алматы айналма автомобиль жолындағы (БАКАД) кейбір жолақта қозғалыс уақытша шектеледі, деп хабарлады Көлік министрлігі.
Бүгін БАКАД-та жолдағы белгілерді жаңарту жұмысы басталды. Осыған байланысты мамырда кейбір жолақта қозғалыс уақытша шектеледі. Бұл шаралар жол қозғалысының қауіпсіздігі мен жайлылығын арттыруға бағытталған, - деп жазылған хабарламада.
Жаңартылған белгілер жолақтардың шекарасын анық көрсетеді. Бұл жүргізушілердің жол ережесін сақтауына септігін тигізіп, төтенше жағдай қаупін азайтады.
Жол белгілерін жаңарту мамырдың соңында аяқталады.
