Тұрғындар эвакуациялаудан бас тартты
Қазақстанның шығысында ауа райының қолайсыздығы Алтай ауданындағы 5 тұрғын үй мен 24 үй маңындағы учаскелерді судың басуына себеп болды, деп хабарлады Halyq Uni тілшісі.
ТЖМ баспасөз қызметінің мәліметінше, қатты жауған жауын-шашын Бұқтырма өзеніндегі су деңгейінің көтерілуіне себеп болған.
Семей, Өскемен қалаларынан келген ТЖД қызметкерлері, сондай-ақ ТЖМ 68303 бөлімінің әскери қызметшілері алдын алу жұмыстарын жүргізу үшін елді мекенге кетті. Қазір су бұру үшін арнайы техника тартылды.
Тұрғындар эвакуациядан бас тартты және туыстарының үйіне уақытша орналастырылды. Ауылдық мектепте сабақ қашықтан оқыту форматына ауыстырылды.
Сондай-ақ Шығыс Қазақстан облысындағы Коробиха өзенінде су деңгейінің көтерілуі Катон-Қарағай ауданының Коробиха ауылы маңында да байқалды. Екі жеке аула учаскесін су басты.
Қазір Коробиха өзеніндегі су деңгейі төмендеді. Гидрологиялық бекеттер әр 4 сағат сайын өлшеулер жүргізеді. Жағдай ТЖМ құтқарушыларының бақылауында. Өзен арнасы бойындағы жағалауды нығайту жұмыстары жалғасып жатыр, – делінген ТЖМ хабарламасында.