WhatsApp желісінде 1414 нөмірінен келген хабарламаны ашпауға шақырған хабарлама тарады.

«Сілтемені ашпаңдар, ХҚКО сайтын алаяқтар бұзған. Ашқандардың барлығына несие рәсімдеп жатыр, таныстарыңызға және туған-туыстарыңызға жіберіңіздер» дегенген ақпаратта.

«Азаматтарға арналған үкімет» мемлекеттік корпорациясы қазақстандықтарға 1414 нөмірінен жіберілген хабарлама жалған емес екенін мәлімдеді. 

«1414 нөмерінен келген хабарлама жалған емес. Бұл хабарлама eGov mobile-да тіркелмеген пайдаланушыларға жіберілді. EGov mobile мобильді қосымшасы әртүрлі өмірлік жағдайларда, сауалнамалардан өту үшін, сондай-ақ жаңалықтармен бөлісу үшін жеке SMS және push-хабарламаларын жібереді», – делінген хабарламада.

Ведомство өкілдері қазақстандықтарға көрсетілген сілтемеге өтіп, eGov mobile мобильді қосымшасын орнатуға болатынын айтады.