Премьер-министрдің орынбасары Ералы Тоғжанов та сахнада Мемлекеттік туға құрметсіздік көрсеткен «Ирина Кайратовна» тобы мен Shiza-ға қатысты пікір білдірді.

Бұл туралы ол Astana Hub-та жастармен кездесу айтты.

Кездесуге Президент жанындағы жастар саясаты жөніндегі кеңес мүшелері, Президенттік Жастар кадрлық резерві, жастар ұйымдарының өкілдері, жас кәсіпкерлер мен жас ғалымдар қатысты.

Ашығын айтсам, өте ұят жағдай болды. Олар жазаларын алды. Әкімшілік жазаға тартылғанын бәріңіз білетін боларсыздар. Мұндай мәселеге басқаша көзқарасы болмайды. Оны әр азамат білуі керек, – деді Тоғжанов.

Ол тудың мәні мен мағынасын отандастарымыздың бәрі түсіну керектігін айтты.

«Бабаларымыз осы кең байтақ жерімізге туды тігіп, сақтап қалған. Оны әр уақытта есімізде ұстауымыз керек. Тудың қадірін кешегідей жағдай болғанда ғана емес, әрдайым біліп жүруіміз қажет», – деді ол.