Iс бойынша сотталушы бес жылдан тоғыз жылға дейiн бас бостандығынан айырылады.

Бұл туралы Ұлттық қауіпсіздік комитетінің  астаналық бөлімі хабарлады.

Қазір ҰҚК қазақстандықтардың шет мемлекет аумағындағы қарулы қақтығысқа қатысу фактісі бойынша қылмыстық істі тергеп жатыр, - делінген хабарламада.

Ведомствоның хабарлауынша, іс бойынша сотталушы Украина аумағында соғысқан. Тергеу барысында басқа да деректер қаралады.

Қазақстан Республикасы Қылмыстық кодексінің 172-бабына сәйкес, Қазақстан Республикасы азаматының шет мемлекеттің аумағында қарулы жанжалға немесе әскери операцияларға қасақана заңсыз қатысуы – жалдамалылық белгілері болмаған жағдайда – бес жылдан тоғыз жылға дейінгі мерзімге бас бостандығынан айыруға жазаланады, - делінген материалда.

Соғысқа қатысқан азаматтың аты-жөні аталмай отыр.