Америкалық миллионер Джон Джейкоб Асторға тиесілі алтын қалта сағаты британдық аукционда сатылды. Cағат қалпына келтірілген соң оны Астордың ұлы таққан, деп хабарлады DW.

Сағат кеше Ұлыбританияда өткен аукционда рекордтық сомаға сатылды. Сатып алушы АҚШ-тан келген коллекционер болып шықты.

Американдық миллионер Джон Джейкоб Асторға тиесілі бұл аксессуар жаңа иесіне 1,175 млн фунт стерлингке (1,38 млн еуро немесе шамамен 1,5 млн доллар) сатылды, - деп хабарлады Henry Aldridge & Son аукцион үйі.

Сағат үшін ең жоғары бағаны АҚШ-тың есімі аталмаған коллекционері ұсынды. Англияның Вилтшир шрафтығындағы аукцион үйінің мәліметінше, сатылым Aстордың сағатын «Титаниктің» аукционда ұсынылған ең қымбат затына айналдырып отыр. Бұл атақ бұған дейін апат кезінде ойналған скрипкаға тиесілі болды. Ол 2013 жылы сол 1,1 млн фунт стерлингке сатылған еді.

Титаниктің естелік заттарын сатудан түскен жалпы сома өте үлкен, - деп атап өтті аукционшы Эндрю Олдридж.

Оның пікірінше, бұл заттардың өзінің маңыздылығын ғана емес, сонымен бірге адамдардың 112 жыл бұрын суға батқан кемеге деген сүйіспеншілігін сипаттайды.

Айта кетсек, Джон Джейкоб Астор «Титаниктегі» ең бай жолаушы саналды. Соңғы рет ол кеменің Солтүстік Атлантикада айсбергпен соқтығысқаннан кейін суға бата бастағанын темекі шегіп тұрған кезде байқаған.

Ізгі джентльмен ретінде кәсіпкер әйелі Мадленнің құтқару қайығына түсуіне көмектескен және ол аман қалды, - дейді тарихшылар.

Миллионер 47 жаста еді. Астордың денесі «Титаник» суға батқаннан бір аптадан кейін табылды. Оның жеке заттарының ішінде атының бас әріптері ойып жазылған Waltham 14 карат алтын қалта сағаты болған.