Шығыс Қазақстан облысында құрылыс краны құлады, деп хабарлайды төтенше жағдайлар министрлігі.

«2022 жылғы 1 маусымда сағат 11.20-да Қ.Сәтпаев даңғылы, «Спорт» шағын ауданы, 79-80 позициядағы тұрғын үй құрылысы объектісінде «СтройТрастПроект» ЖШС-ке тиесілі КБ-403 А мұнара краны құлады. Алдын ала мәліметтер бойынша, кран қатты жел салдарынан қисайып қалған», – дейді ТЖМ.

Жақын орналасқан ғимараттар және құрылыстар бұзылған жоқ. Қаза болғандар мен зардап шеккендер де жоқ. Құрылыс краны құлаған кезде қолданылмаған.

Төтенше жағдайлар министрлігі өнеркәсіптік қауіпсіздік комитетінің Шығыс Қазақстан облыстық департаменті мұнара краны апатын тексеру жөнінде комиссия құрып жатыр.