Мария Дмитриенко стенд атудан Олимпиада жолдамасын жеңіп алды
Қазір Қазақстан қоржынында Ойындардың 47 лицензиясы бар
![](https://halyq-uni.kz/cache/imagine/1200/uploads/news/2024/04/23/662791b17b7ce997898717.jpeg)
Бүгін стенд атудан Катардың астанасы – Дохада өтіп жатқан лицензиялық турнирде ұлттық құраманың спортшысы Мария Дмитриенко Олимпиада жолдамасын жеңіп алды.
Ол трап жаттығуында финалға шықты. Финалда Дмитриенкодан басқа 4 адамда жолдама болғандықтан, оның қорытынды нәтижесіне қарамастан, отандасымыз бен тағы бір шетел мергені лицензияға ие болды.
Мария Дмитриенко осыған дейін 2016 жылы Рио Олимпиадасына қатысып, 8-орынға табан тіреген еді. Былтыр ол Бакудағы әлем чемпионатында аралас жұптық сында Даниил Почиваловпен бірге қола жүлдегер атанды.
Қазір Қазақстан қоржынында Олимпиялық ойындардың 47 лицензиясы бар.