«Қазгидромет» РМК аргометеорологиялық болжам басқармасының басшысы Қамар Сәлиева биыл мамырда еліміздің оңтүстігіне қуаңшылық қаупі төніп тұрғанын айтты, деп хабарлады Halyq Uni тілшісі.

Қызылорда облысының Қармақшы ауданында атмосфералық құрғақшылық болады. Мұнда жауын-шашынның тапшылығы мен ауа температурасының жоғарлауы болжанады, - деді Қамар Салиева Астанада өткен брифингте.

Оның айтуынша, 2024 жылғы мамырда Қостанай облысының Қарасу ауданында, БҚО-ның Бурлин, Сырым және Қаратөбе аудандарында, Павлодар облысының Ертіс және Успенка аудандарында, Павлодар қаласында ауа райы ылғалды болады.

Елдің қалған аймақтарында ылғалдану нормаға жуық болады. Алдын ала болжам әлі нақтыланады, - деді ол. 

Сонымен қатар бірқалыпты ылғал мына өңірлерде сақталады:

• Солтүстік Қазақстан облысы

Айыртау және Ғабит Мүсірепов атындағы аудандар;

• Қостанай облысы

Қарабалық, Сарыкөл, Қарасу, Әулиекөл және Бейімбет Майлин атындағы аудандар;

• Ақмола облысы

Зеренді, Сандықтау, Атбасар, Ақкөл, Жарқайың, Астрахан және Шортанды аудандары;

• Павлодар облысы

Ақтоғай, Ертіс, Железинка, Қашыр, Успенка, Шарбақты және Май аудандары;

• Батыс Қазақстан облысы

Қазталов, Жәнібек, Тасқала, Ақжайық, Жаңақала аудандары және Орал қаласы;

• Ақтөбе облысы

Әйтеке би, Байғанин, Қарғалы, Мұғалжар, Ырғыз, Ойыл аудандары және Ақтөбе қаласы;

• Атырау облысы

Құрманғазы, Махамбет, Қызылқоға аудандары және Атырау қаласы;

• Маңғыстау облысы

Бейнеу және Маңғыстау аудандары;

• Қарағанды облысы

Ақтоғай ауданы;

• Шығыс Қазақстан облысы

Глубокое, Самара, Катонқарағай, Күршім және Алтай аудандары;

• Түркістан облысы

Қазығұрт және Қаратау аудандары.

Айта кетейік, ауа райы болжамы agrodata.kz мобильді қосымшасында және «Қазгидромет» ресми сайтында жарияланады.