ТЖМ қазақстандықтарға үндеу жасады
Министрлік су тасқыны кезінде мұқият болуға шақырды
![](https://halyq-uni.kz/cache/imagine/1200/uploads/news/2024/04/21/66254ae5de7a4227988826.jpg)
Төтенше жағдайлар министрлігінің өкілдері су тасқыны кезінде қандай қауіпсіздік шаралары барын айтты. Құтқарушылар қазақстандықтарға үндеу жасады. Бұл туралы ТЖМ Telegram-дағы ресми арнасында хабарлады.
ТЖМ өкілдері ел тұрғындарын су тасқыны кезінде мұқият болуға және мынадай қауіпсіздік шараларын қатаң сақтауға шақырды:
құлақтандыру дабылын алған кезде көршілеріңізге ескертіңіздер, мүгедек адамдар мен балаларға көмек көрсетіңіздер, нұсқаулықты қатаң орындаңыздар;
киім-кешек, азық-түлік қорын, дәрі-дәрмекті алдын ала дайындаңыздар, құжаттарды су өткізбейтін пакетке салыңыздар;
электроэнергия көздерін тоқтан ажыратыңыздар, газды өшіріңіздер, пеште жанып жатқан отты сөндіріңіздер, есік пен терезелерді жабыңыздар;
эвакуациялық пункттерден тиісті рұқсатсыз кетпеңіздер; балаларды қараусыз қалдырмаңыздар.
Сондай-ақ құтқарушылар азаматтардан егер адамдардың өмірі мен денсаулығына қауіп төнгені анықталса, аталған ақпаратты дереу 112 нөміріне немесе жедел желі телефонына жіберуді сұрады.