Енді елімізде жаңадан 57 су қоймасы салынады
114 жоба бойынша жобалық-сметалық құжаттама әзірленді
![](https://halyq-uni.kz/cache/imagine/1200/uploads/news/2024/04/14/661b89384c24b563532504.jpg)
Президенттің тапсырмасы бойынша Су ресурстары және ирригация министрлігі 2030 жылға дейін су шаруашылығы құрылыстарын қалпына келтірудің кешенді жоспарын әзірледі.
Жоспарда 57 жаңа су қоймасын салу, 133 гидротехникалық құрылысты, 7 мың шақырымнан астам ирригациялық жүйені және 1200 шақырым топтық су құбырын қайта жаңартуды, сондай-ақ 3 628 тік дренажды ұңғыманы бұрғылау қарастырылған.
Бүгінде 114 жоба бойынша жобалық-сметалық құжаттама әзірленді.
Суару жүйелерінің тозуы салдарынан тасымалдау кезінде судың шығыны мәселесін шешу үшін 14 мың шақырымнан астам каналды реконструкциялау жоспарланып отыр.
Жобаны 3 кезеңде іске асыру ұсынылған. 1-кезеңде 2024-2025 жылдары ұзындығы 3 500 шақырым 337 арнаны қайта жаңарту жоспарланды.