Air Astana еліміздегі су тасқыны кезінде ұшақ билетіне арнайы тариф енгізеді, деп хабарлады компанияның баспасөз қызметі.

13-24 сәуір аралығында Air Astana және FlyArystan Атыраудан Алматы мен Астанаға ұшатын рейстерге арнайы тариф енгізбек.

Тарифтің құны бір жаққа эконом-класта – 40 мың теңге. Сондай-ақ FlyArystan Атыраудан Шымкент, Ақтау және басқа қалаларға ұшатын рейстерге арнайы тарифтерді уақытша енгізеді, - деп жазылған хабарламада.

Айта кетейік, 9-18 сәуір аралығында Air Astana Атыраудан Алматы, Астана, Ақтау, Шымкент қалаларына 33 қосымша рейс ұйымдастырған.