БҚО-да 43 жастағы ер адам өзін-өзі атып өлтірді
Оқиғаның жай-жапсары анықталып жатыр
фото: ашық дереккөзден
Ақсай қаласында 41 жастағы ер адам өзін-өзі атып өлтірді. Бұл туралы Батыс Қазақстан облысы полиция департаментінің баспасөз қызметі хабарлады.
Полиция департаменті баспасөз қызметінен түскен мәліметке қарағанда, оқиға 1 маусым күні таңғы сағат 07.30-да болды.
«1981 жылғы ер адам өз қаруымен өзін-өзі атқан. Марқұм есін жия алмастан оқиға орнында көз жұмды. Қазіргі кезде оқиғаның жай-жапсары анықталып жатыр», - деп хабарлады ведомстводан.
Облыстық денсаулық сақтау басқармасы ер адам жедел жәрдем келгенше жүрегіне тиген оқтан көз жұмғанынын мәлімдеді.
