«Қазавтожол» ҰК» АҚ республикалық маңызы бар автокөлік жолдарындағы су тасқыны туралы соңғы ақпаратты жариялады, деп хабарлады Halyq Uni тілшісі.

2024 жылғы 11 сәуірдегі сағат 9:30-дағы жағдай бойынша, халықаралық және республикалық маңызы бар автокөлік жолдарында күннің жылынуы мен қардың тез еруі салдарынан 4 облыста (Ақмола, СҚО, Атырау, Қостанай) 9 жол жүру учаскесінде жалпы ұзындығы 7 153 метр болатын су тасқыны болды, – делінген хабарламада.

Сондай-ақ 6 облыстағы (Ақтөбе, Ақмола, Атырау, Қостанай, Маңғыстау, СҚО) республикалық маңызы бар 13 автокөлік жолында (ұзындығы – 640 шақырым) қозғалысқа шектеу қойылды.

Қазір республикалық жолдарға 454 техника мен 562 адам жұмылдырылған.