Алматы қаласы Медеу ауданының №2 аудандық сотында сауна ғимаратында әлеуметтік осал топтағы балаларға арналған лагерьді ұйымдастырған азаматтарға қатысты қылмыстық іс қаралды, деп хабарлады Halyq Uni тілшісі.

Сотта анықталғандай, Алматы қаласы білім басқармасының мемлекеттік сатып алулар жөніндегі бас маманы кәсіпкерден пара алу мақсатында «Б.» ЖШС және «А,» ЖШС компанияларын ерекше қажеттіліктері бар, жетім және ата-анасының қамқорлығынсыз қалған балаларға арналған жазғы демалысты ұйымдастыру жөніндегі қызметтердің мемлекеттік сатып алу конкурсының жеңімпазы деп таныған.

2023 жылдың жазында кәсіпкер «Ж.» МК-нің 50 баласын өзінің жеке мектебіне орналастырған. Сол күні ол балалар лагерін ұйымдастыру көрінісімен «Д.» фитнес-орталығы бар монша кешеніне 300 баланы орналастырған. Балалардың ата-аналары және «Ж.» МК-нің қызметкерлері жеке мектеп пен фитнес-сауықтыруы бар монша кешенінің балалардың демалыс орнына айналғанын біліп, балаларын үйлеріне алып кеткен.

Сотталушылардың қылмыстық әрекеттерінің салдарынан балалардың, соның ішінде ерекше күтімді қажет ететін балалардың жазғы демалысы бұзылып, балалар қолайсыз жағдайда, бейтаныс адамдардың арасында болған.

Соттың үкімімен білім бөлімінің бас маманы өзінің қызмет бабын пайдаланып, аса ірі мөлшерде пара алуға әрекеттенгені үшін кінәлі деп танылып, оған 6 жыл мерзімге бас бостандығынан айыру және мемлекеттік қызметте, судья қызметінде, жергілікті өзін-өзі басқару органдарында, Ұлттық банкте және оның ведомстволарында, қаржы нарығы мен қаржы ұйымдарын реттеу, бақылау және қадағалау жөніндегі уәкілетті органда, мемлекеттік ұйымдарда және квазимемлекеттік сектор субъектілерінде лауазымдарды атқаруға өмір бойына тыйым салу жазасы тағайындалды, – делінген сот хабарламасында.

Кәсіпкер аса ірі мөлшерде алдау және сенімге қиянат жасау арқылы алаяқтық әрекетін жасағаны үшін кінәлі деп танылып, оған 5 жыл мерзімге бас бостандығынан айыру жазасы тағайындалды. 

Сотталушылардың кінәсі іс бойынша жинақталған дәлелдемелермен, сотталушы кәсіпкердің қылмыстық әрекеттерді жасағанын мойындауымен, куәгерлердің айғақтарымен, мамандардың қорытындыларымен және жасырын тергеу әрекеттерінің нәтижелерімен дәлелденді.

Үкім заңды күшіне енген жоқ.