Павлодарда мемлекеттік қызметтің беделін түсірген білім бөлімдерінің басшылары жазаланды, деп хабарлады Halyq Uni тілшісі.

Прокуратураның мәліметінше, Павлодар мен Аққұлы аудандары білім бөлімдерінің басшылары мектептерді уақтылы күрделі жөндеуден өткізбегені үшін жеткізушілерді мемлекеттік сатып алуға жосықсыз қатысушылар деп тану туралы сотқа жүгінген. Сонымен бірге сотта олар жосықсыз жеткізушілерді жауапкершіліктен босатып, оларға артықшылық бере отырып, бітімгершілік келісімдер жасады.

Бұл үшін білім басқармасының бұйрықтарымен аталған лауазымды тұлғалар мемлекеттік қызметке кір келтіретін теріс қылық үшін тәртіптік жауапкершілікке тартылған. Павлодар қалалық соты жазаланған адамдардың талап қоюлары бойынша жұмыс беруші актілерінің күшін жойды.

Алайда Павлодар қаласының прокуратурасы бұған келіспеді және облыстық сотқа шешімдердің күшін жою туралы өтінішхаттар енгізді. Апелляциялық сатымен прокурорлардың өтінішхаттары қанағаттандырылып, талап қоюдан бас тарту туралы жаңа шешімдер шығарыла отырып, бірінші сатыдағы сот актілерінің күші жойылды.