Астанада Қонаев көшесіндегі көпірдің жабылуына байланысты бірқатар автобустың бағыты өзгереді, деп хабарлады City Transportation Systems компаниясының баспасөз қызметі.

Қаладағы Дінмұхамед Қонаев көшесіндегі жаяу жүргіншілер өткелін жөндеуге байланысты 5 сәуірден бастап Қабанбай батыр даңғылынан Тұран даңғылына дейінгі аралығындағы қозғалыс тоқтатылады. Осыған байланысты № 10, 12, 29, 29А, 35 бағдарының сызбасы уақытша өзгереді.

Бағдарлардың өзгерген қозғалыс сызбасын суреттерден көре аласыз. Сапарыңызды алдын ала жоспарлаған дұрыс.

Бұған дейін биыл елордада 50-ден аса көшенің жөнделетіні хабарланған еді.