Қазір екі ауданға қауіп төніп тұр
СҚО аудандарында полицейлер су тасқыны болуы мүмкін аймақтағы аңшылардан мылтықтарын уақытша тәркіледі, деп хабарлады Halyq Uni тілшісі.
Солтүстік Қазақстан облысында полиция қызметкерлері су тасқынына байланысты тәулік бойы кезекшілік атқарып жатыр. Қазір екі ауданға қауіп төніп тұр. Уәлиханов ауданында бірқатар жолда су тасқыны болды. Құлыкөл мен Қаратау ауылдарының арасындағы жол жабық. Тілеусай ауылына да солтүстік бағыттан үлкен су кіруі мүмкін. Жүргізушілерден полицейлер жағдайды мұқият қадағалап, кез келген уақытта жолдардың жабылуы мүмкін екенін ескеруді сұрайды.
Күндіз-түні Тайынша ауданының полицейлері де толық дайындықта. Мұнда судың толып кетуінің салдарынан Бірлік, Теңдік, Летовочное ауылдарының маңындағы жолдар жабылды. Қазір Константиновка ауылында су толу басталды. Амандық ауылында еріген қар суын бұру жұмыстары жүргізіліп жатыр.
Бірқатар басқа елді мекендерде, сондай-ақ Тайынша қаласында қауіп сақталып отыр. Онда Чаглинка өзені Заречное ауылының маңындағы көпірді шайып, үйлерге жақындады.
Учаскелік инспекторлар аудан орталығында су тасқыны болуы мүмкін аймақтарда тұратын аңшылармен профилактикалық әңгімелер өткізді. Адамдар қызметкерлердің ұсынысына жауапкершілікпен қарады. Қару-жарақ заттарын ұрлау мүмкіндігін болдырмау үшін су тасқыны кезінде олар полиция бөліміне 35 аңшылық қаруын уақытша сақтауға тапсырды, – деді Тайынша ауданының ПБ бастығы Нұрлыжан Ақтанов.