Алматыда жолаушылар мінген троллейбус өртенді
Өрттің себебі анықталып жатыр
![](https://halyq-uni.kz/cache/imagine/1200/uploads/news/2024/04/02/660b95d9d8f66748082586.jpeg)
Бүгін таңертең Алматының Бостандық ауданында №7 троллейбустың ішінен өрт шықты, деп хабарлады Halyq Uni тілшісі.
Қалалық ТЖД-ның мәліметінше, 08:04-те оқиға орнына екі өрт сөндіру бөлімшесінің күштері мен құралдары шыққан. Қабылданған шаралардың нәтижесінде өрт 08:10-да оқшауланып, 08:15-те жойылды. Өрт алаңы – 20 шаршы метр.
Жолаушылар салоннан шығып үлгерген. Зардап шеккендер жоқ.
Өрттің себебі анықталып жатыр.