«Пышақты ал да, өзіңе тық деді»: күйеуін өлтіріп, денесін өзенге ағызып жіберген келіншек шындықты айтты
Сарыағаш ауданында үш баланың анасы өзінің некелі жарын азаптап өлтіріп, денесін Келес өзеніне ағызып жіберген
![](https://halyq-uni.kz/cache/imagine/1200/uploads/news/2024/03/27/660455214429c231923421.jpg)
«Көреміз» бағдарламасында күйеуін өлтіріп, бөлшектеп тастаған келіншек өз шындығын айтты.
«Мен күйеуіме қасақана пышақ тыққан жоқпын. Құрметті сот, біз қарбыз жеп отырғанбыз. Сосын оған біреу хабарласып, «Әйелің тағы Tik-Tok түсіріп жатыр» деп айтты. Кейін күйеуім «пышақты ал да, өзіңе тық» деді. Оның арасында басымды жұдырықпен ұрды. Мен «қой, қазір пышақ кіріп кетеді» дедім. Пышақты қайта-қайта мойыныма тақап қоймады. Мен пышақтың сабымен басынан салып қалсам, талып қалатын шығар деп ойлап, өзімді қорғадым», - деді Құндыз Молдабекова.
Айта кетейік, осыдан 8 ай бұрын Сарыағаш ауданында үш баланың анасы Құндыз Молдабекова өзінің некелі жарын азаптап өлтіріп, денесін Келес өзеніне ағызып жіберген. Келіншектің айтуынша, дау TikTok желісіне жүктелген видеолардың салдарынан туындаған. Артынша ерлі-зайыптылардың ерегесі үлкен жанжалға ұласып, қанды қылмыспен аяқталған.