Елордада жолды сапасыз жөндеген мердігерлер анықталды, деп хабарлады қала әкімдігінің баспасөз қызметі.

Көктемде көшедегі жолдардың сапасы тексерілген. Нәтижесінде 2021-2022 жылдар аралығында жөнделген көшелерден ақау табылған.

Тізім төмендегідей:

• Жетіген көшесі, А. Пушкин көшесінен Ж. Досмұхамедұлы көшесіне дейін – «Сотис групп» ЖШС;
• А. Иманов көшесінің бойы, А. Янушкевич көшесінен Ш. Уәлиханов көшесіне дейін – «Айя Сервис» ЖШС;
• Алаш тасжолы жол өтпесінен Жолымбет көшесіне дейін – «Айя Сервис» ЖШС;
• Мәңгілік ел даңғылы М1 көпірінен Бұқар жырау көшесіне дейін – «Компания Энергодор» ЖШС;
• Қабанбай батыр даңғылы бойы, Сарайшық көшесінен Қорғалжын тасжолына дейін – «Сотис групп» ЖШС;
• Жеңіс даңғылы бойы, Есенберлин көшесінен Бөгенбай батыр даңғылына дейін – «Сотис групп» ЖШС;
• Р. Қошқарбаев даңғылы бойы, Қордай көшесінен М. Төлебаев көшесіне дейін – «Сотис групп» ЖШС;
• Еңлік Кебек көшесінің бойы, Сұлтан Бейбарыс көшесінен Болашақ көшесіне дейін – «РЕКМА КЗ» ЖШС.

Енді аталған компаниялар өз қаражаты есебінен жолдарды қайта жөндейді. Жұмыстар ауа райы қолайлы болған сәтте жүргізіледі.

Айта кетейік, биыл қалада ұзындығы шамамен 60 шақырым болатын 50-ден аса көше жөнделеді.