«Су тасқыны болуы мүмкін»: Алматыда өзендердегі су деңгейі жоғарылайды
Құтқарушылар тұрғындарды жақын орналасқан арықтар мен каналдарды қоқыстан тазартуға шақырды
Фото: freepik.com
Алматыда өзендердегі су деңгейі көтерілуі мүмкін. Бұл туралы Алматы қалалық Төтенше жағдайлар департаментінен мәлім етті.
Орташа тәуліктік температураның жоғарылауына және қардың қарқынды еруіне байланысты 16-18 наурыз аралығында таулы өзендерде су деңгейі көтеріледі. Алматы қаласының аумағына іргелес тау бөктері мен аудандарда, су тасқыны болуы мүмкін, - делінген ТЖД хабарламасында.
Осыған орай құтқарушылар тұрғындарды жақын орналасқан арықтар мен каналдарды қоқыстан тазартуға шақырды.
