17 жастағы таеквондошы Олимпиада жолдамасын олжалады
Батырхан Төлеуғали ұлттық құраманың алғашқы лицензиясын алды
![](https://halyq-uni.kz/cache/imagine/1200/uploads/news/2024/03/15/65f437795ac1a891871354.jpeg)
Таеквондошы Батырхан Төлеуғали Қытайдың Тайань қаласында өтіп жатқан лицензиялық турнирде Париж Олимпиадасының жолдамасын жеңіп алды.
Ұлттық құрамадағы ең жас таеквондошы жартылай финалда Сауд Арабиясының спортшысы Әли Мабрук әл-Мабрукты жеңді. Жекпе-жекте есеп 2:0 болып тіркелді.
Оған дейін Батырхан Төлеуғали алғашқы жекпе-жегінде Акшай Худаны (Үндістан) айқын басымдықпен жеңген болатын.
Бұл лицензия – таеквондодан ұлттық құраманың алғашқы жолдамасы.
Олимпиада жолдамасын алған Батырхан Төлеуғали – жасөспірімдердің әлемдік чемпионатының қола медалисі, 2023 жылғы Қазақстан Спартакиадасының жеңімпазы.