Қазақстан құрамасы ірі есеппен жеңіске жетті
Фото: tengrinews.kz
Қазақстанның ұлттық және жастар құрамалары оқу-жаттығу жиыны аясында жолдастық матч өткізді.
Алғашқы таймда ұлттық құраманың қорғаушысы Александр Марочкин қос гол соқты. Ойынның екінші бөлігі басталған сәтте ұлттық құраманың тағы бір өкілі Максим Самородов көзге түсіп, таблодағы есепті еселей түсті. Ал 51-минутта жастардың қорғаушысы Сағи Совет есеп айырмасын қысқартты. Матч соңына қарай ұлттық құраманың мүшесі Алексей Щеткин пенальтиден гол соғып, бұл кездесудің нүктесін қойды.
Сөйтіп, бұл жолдастық кездесу 4:1 есебімен ұлттық құраманың пайдасына аяқталды.
