Көкшетауда облыстық соттың ғимаратында өрт болды
Қызыл жалын 40 шаршы метр аумақты қамтыды
Фото: ТЖД
12 наурызда Көкшетауда орналасқан Ақмола облыстық сотының ғимаратында өрт болды.
ТЖМ мәліметінше, өрт сағат 19.55-те болды.
Көкшетау қаласында Назарбаев даңғылында орналасқан әкімшілік ғимаратта өрт болды. Қызыл жалын 40 шаршы метр аумақты қамтыды. Ақмола облысы ТЖД-ның 30 құтқарушысы мен 8 бірлік техникасы дереу шақырту орнына аттанды, - делінген хабарламада.
Өрт сағат 20-12-де оқшауланып, 20-30-да толығымен жойылды.
Зардап шеккендер жоқ. Өрттің себебі анықталу үстінде.
